Уладзімірас Лаучус: Беларусь як была, так і застаецца сатэлітам пуцінскай Расеі

Расейская вайсковая прысутнасць у Беларусі па суседстве з Літвой уяўляе сабой відавочную пагрозу.

Пра гэта ў інтэрв'ю charter97.org заявіў літоўскі палітолаг, галоўны рэдактар літоўскага навінавага сайта LRT.LT Уладзімірас Лаучус.

- Як вы маглі б пракаментаваць планы стварэння расейскай вайсковай базы ў Беларусі, практычна на мяжы з Літвой?

- Расейская вайсковая прысутнасць па суседстве з Літвой увогуле апошнім часам уяўляе сабой відавочную пагрозу. Чым большая гэта прысутнасць, тым большая гэтая пагроза. Існуе пагроза, якая ўяўляе сабой узмацненне расейскай вайсковай базы ў Калінінградскай вобласці і наяўнасць такой базы ў Беларусі яшчэ больш гэтую пагрозу ўзмацняе.

- Расея і Беларусь, нягледзячы на ўсе заявы Лукашэнкі, у замежнай палітыцы дзейнічаюць адным вектарам. Чым гэта багата для Літвы?

- Гэты вектар падчас усяго прэзідэнцтва Лукашэнкі заўсёды быў такім. Нейкія нюансы, калі здавалася, што Лукашэнка заігрывае з Захадам, засталіся ўсяго толькі нюансамі. Усе спробы змяніць сітуацыю не мелі поспеху.

Мы памятаем і пра нейкія ініцыятывы з боку Літвы пасля абрання ў першы раз прэзідэнтам Далі Грыбаўскайтэ, але да нічога гэта Літву і ЕЗ не прывяло. Беларусь як была, так і застаецца сатэлітам пуцінскай Расеі. Як бы гэты сатэліт не клапаціўся пра дабрабыт сваёй цяперашняй палітычнай і эканамічнай эліты на чале з Лукашэнкам, аднак, дабрабыт гэтай эліты звязаны не толькі з напалову бутафорскай беларускай дзяржаўнасцю, але і з рэальнасцю пуцінскага рэжыму.

Дэмакратызацыя ў Расеі, хутчэй, уяўляе не меншую пагрозу для Беларусі, чым імперскія амбіцыі пуцінскага рэжыму. Вядома, Лукашэнка і цяперашняя беларуская наменклатура хочуць захаваць статус-кво, пры якім дзяржаўнасць Беларусі гарантуецца. І гэтая дзяржаўнасць не столькі заснаваная на грамадзянскай супольнасці, колькі гэта дзяржаўнасць, закліканая абараніць рэжым Лукашэнкі. Так што ўсё гэта надзеі Лукашэнкі на манеўраванне, звязанае з захаваннем беларускай дзяржаўнасці як яна ёсць з аднаго боку, і сяброўскімі стасункамі з пуцінскім рэжымам з другога.

- Іншымі словамі, можна сказаць, што Расея праз Беларусь уяўляе для Літвы пагрозу?

- Па-за ўсякім сумневам. Гэта так.