Лідскім уладам прапануюць аднавіць гарадскую ратушу

425 гадоў таму горад Ліда атрымаў Магдэбургскае права. У Лідскім раёне адбыўся круглы стол з гэтай нагоды.

Краязнаўцы з розных куткоў рэгіёну сабраліся, каб падзяліцца матэрыяламі і дакладамі, у тым ліку аб самакіраванні ў Лідзе тых часоў, паведамляе "Радыё Рацыя".

Падчас краязнаўчай сустрэчы галоўны рэдактар часопіса "Лідскі летапісец" Станіслаў Суднік прэзентаваў макет Лідскай ратушы:

- Круглы стол даручыў мне звярнуцца ў лідскія органы ўлады з прапановай аднавіць лідскую ратушу. Паводле якога праекта, на якім месцы - гэта ўжо іншая справа, але асноўнае пытанне - каб лідскія ўлады прынялі гэтую пастанову аб аднаўленні гэтага важнага і знакавага для горада аб'екта.

Тым часам, грамадскія актывісты Лідчыны ў супрацоўніцтве з Лідскім раённым выканкамам размясцілі ў цэнтры горада інфармацыйныя білборды з віншаваннем жыхароў Ліды з гадавінай атрымання горадам Магдэбургскага права.