У парламенце Косава кінулі гранату са слёзатачывым газам
- 8.10.2015, 15:25
- 7,301
Апазіцыя ў парламенце Косава сарвала працу парламента, кінуўшы ў залу гранату са слёзатачывым газам.
Пра гэта гаворыцца ў паведамленні Associated press, піша "Еўрапейская праўда".
Такім чынам апазіцыя выказала пратэст супраць пагаднення з Сербіяй, якое было ўкладзенае пад эгідай ЕЗ і дае больш паўнамоцтваў рэгіёнам, дзе большасць насельніцтва складаюць сербы.
Як піша Reuters, прыладу кінуў у залу адзін з апазіцыйных дэпутатаў, пасля гэтага будынак запоўніў слёзатачывы газ.
Як паведамляе сербскае выданне Vecernije novosti, у некаторых дэпутатаў узніклі праблемы з дыханнем, а дэпутат Флера Бровіна страціла прытомнасць.
Варта адзначыць, што на сесіі прысутнічалі прадстаўнікі міжнароднай супольнасці, прынамсі, прадстаўнік дэлегацыі ЕЗ у Косава Самуэль Збогар, якому таксама стала дрэнна.
Пры гэтым сесію пастанавілі не спыняць і парламент прадоўжыў працу, хоць пастановы і прымаліся паводле паскоранай працэдуры.
Апазіцыя суправаджала працу парламента свістам.