Героя, які выратаваў ад тэрарыста цягнік у Францыі, цяжка паранілі ў Каліфорніі

Аднаго з амерыканскіх вайскоўцаў, які ў жніўні прадухіляў тэракт у хуткасным цягніку Амстэрдам-Парыж, цяжка паранілі нажом у Каліфорніі.

Пра гэта паведамляе французскае выданне Le Figaro, піша «Еўрапейская праўда».

Між іншым, Спенсеру Стоўну нанеслі некалькі ўдараў нажом у Сакрамэнта мінулай ноччу.

Як паведамляецца, вайсковец цяпер у крытычным стане.

Нагадаем, Спенсер Стоўн быў адным з вайскоўцаў, якія ехаў цягніком Thalys і дапамог нейтралізаваць чалавека, які меў намер учыніць тэракт.

Тады невядомы зламыснік адкрыў агонь у салоне цягніка. Падчас яго затрымання тры чалавекі былі параненыя.

Прэзідэнт Францыі Франсуа Аланд узнагародзіў высокімі ўзнагародамі - ордэнамі Ганаровага легіёну - пасажыраў, што абясшкодзілі тэрарыста. Сярод узнагароджаных быў і Спенсер Стоўн.