Кім Чэн Ын звольніў малодшую сястру

Лідар КНДР Кім Чэн Ын звольніў сваю малодшую сястру Кім Ё Чжон са службы асабістай бяспекі праз серыю інцыдэнтаў.

Пра гэта паведамляе The Telegraph.

Паводле інфармацыі з адкрытых крыніц, у 2013 годзе сястра Ына заняла пасаду кіраўніцы службы пратаколу Працоўнай партыі Карэі. Акрамя таго, паўночнакарэйскі лідар прызначыў яе сваім ключавым палітычным дарадцам. Выданне адзначае, што Кім Ё Чжон адказвала як за знешні выгляд Кім Чэн Ына, так і за яго бяспеку, піша Газета.Ру.

Незадаволенасць сястрой з'явілася пасля шэрагу інцыдэнтаў: падчас наведвання моладзевага мерапрыемства натоўп на некаторы час змог прарвацца да Кім Чэн Ыну, перш чым ахова сфармавала бяспечны кардон. Акрамя таго, падчас паездкі ў адзін з калгасаў, у якім таксама з нагоды прыбыцця лідара былі музыкі, адзін з удзельнікаў ансамбля неспадзявана ледзь не ўдарыў Ына гітарай па твары.

Кім Ё Чжон, як і яе брат, вучылася ў Швейцарыі і, са слоў выдання, штодня адказвае за асабісты стыль Кім Чэн Ына, у тым ліку і за яго прычоску.