Герман Грэф: У банкаўскай сістэме Расеі маштабны крызіс

У Ашчадбанку Расеі расцэньваюць сітуацыю ў банкаўскай сістэме краіны як маштабны крызіс.

Як заявіў кіраўнік банка Герман Грэф, тое, што мы бачым цяпер - «гэта маштабны крызіс». «Нулявы прыбытак, рост рэзерваў, ЦБ ачышчае сістэму ад банкаў. Наступны год таксама будзе няпростым», - прыводзіць ТАСС словы топ-мэнэджара.

У сваю чаргу, першы намеснік старшыні ЦБ Аляксей Сіманоўскі, адказваючы на пытанне, ці ёсць у РФ маштабны банкаўскі крызіс, адказаў, што прыкмет банкаўскага крызісу ў РФ не назіраецца. «Ніякіх прыкмет крызісу не бачу», - падкрэсліў ён.

Паводле прагнозаў Грэфа, рост расейскай эканомікі ў 2016 годзе будзе на ўзроўні нуля, пры гэтым сусветныя кошты нафты ў наступным годзе перавысяць узровень 50 даляраў за барэль.