У Airbus A320, які прызямліўся ў Дамадзедаве, зламалася шасі
9- 21.11.2015, 16:54
- 32,909
У пасажырскага лайнера кампаніі «Уральскія авіялініі» пры пасадцы ў маскоўскім аэрапорце Дамадзедава зламалася шасі.
Пра гэта паведамляе ТАСС са спасылкай на прэс-службу паветранай гавані.
Самалёт выконваў рэйс U6-2768 з Кішынёва. «Пасля пасадкі камандзір паведаміў аб неабходнасці транспартаваць паветранае судна з узлётна-пасадачнай паласы да месца стаянкі праз паломку шасі. Тэхнічныя службы аэрапорта аператыўна правялі ўсе неабходныя дзеянні», - растлумачылі ў Дамадзедаве.
У выніку інцыдэнту ніхто не пацярпеў, аэрапорт працуе ў штатным рэжыме, змяненняў у раскладзе няма, дадалі ў прэс-службе аэрапорта, піша Lenta.ru.
ТАСС не згадваў марку лайнера. Крыніца РІА «Новости» ў экстранных службах паведаміла, што ў Дамадзедаве прызямліўся самалёт Boeing, пасля пасадкі ў яго ўзніклі праблемы з рулявым кіраваннем. На борце знаходзіліся 112 чалавек. Пры гэтым на старонцы рэйса U6-2768 на сайце «Уральскіх авіяліній» паказваецца, што палёт выконваўся лайнерам Airbus A320.