Эльдар Разанаў шпіталізаваны

Народны артыст СССР Эльдар Разанаў шпіталізаваны ў адну з маскоўскіх клінік.

Пра гэта ТАСС паведамілі ў сям'і рэжысёра.

"Стан Эльдара Аляксандравіча трохі пагоршыўся ў шэрагу жыццёвых паказчыкаў, - распавёў суразмоўца агенцтва. - Нарастае слабасць. Дрэнныя аналізы. Мы прынялі пастанову сёння яго шпіталізаваць для абследавання і прафесійнай медычнай падтрымкі. Пакладзём у адну з цэнтральных клінік".

Рэжысёр ужо пабываў у шпіталі ў верасні і ў кастрычніку "ў рамках лячэбнага плана". Да гэтага ў жніўні яму была зробленая прафілактычная чыстка сасудаў.

Разанаву 88 гадоў. У канцы лістапада мінулага года ён трапіў у рэанімацыю НДІ нейрахірургіі імя Бурдэнкі з дыягназам "вострае парушэнне мазгавога кровазвароту" і некалькі месяцаў знаходзіўся ў шпіталі.

Эльдар Разанаў зняў блізу трыццаці фільмаў, і практычна кожны з іх станавіўся кінахітом. Самыя знакамітыя стужкі рэжысёра - "Карнавальная ноч", "Гусарская балада", "Беражыся аўтамабіля", "Жорсткі раманс", "Службовы раман", "Гараж", "Іронія лёсу, або з лёгкай парай", "Вакзал для дваіх".