«Новая газета» назвала дату маршу дагестанскіх дальнабойнікаў на Маскву

Дагестанскія кіроўцы грузавікоў пагражаюць 30 лістапада пачаць марш на Маскву ў адказ на ўвядзенне сістэмы аплаты праезду «Платон».

Гэтая дата змяшчаецца ў рэпартажы з-пад Хасавюрта, апублікаваным «Новай газетай», піша РБК.

Выданне паказвае, што страйк дальнабойшчыкаў у Дагестане працягваецца ўжо тыдзень, аднак мясцовыя чыноўнікі адмаўляюцца мець стасункі з кіроўцамі, а тэлевізія не асвятляе акцыю пратэсту. На фотаздымках з месца аднаго з лагераў кіроўцаў бачныя плакаты «Платону не» і «30 лістапада заблакуем МКАД».

Плакаты развешаны і на федэральнай трасе Растоў - Баку, дзе стаяць дзесяткі фур. Звернутыя яны ў тым ліку і да Аркадзя Ратэнбэрга, з якім кіроўцы звязваюць увядзенне «Платона». Сярод плакатаў выданне адзначыла «Ротэнбэрг горш, чым ІДІЛ» (забароненая ў Расеі тэрарыстычная арганізацыя), «Расея без Ратэнбэрга».

Са слоў суразмоўцаў газеты з ліку пратэстуючых, перавозкі грузаў - адзін з найважнейшых артыкулаў даходу для Дагестана. Пры гэтым да мясцовых кіроўцам далучаюцца і дальнабойнікі з іншых рэгіёнаў. «Па астатняй Расеі акцыі пратэсту хутка сканчаюцца, іх хутка разганяюць. Але тут народ упарты», - заявіў газеце кіроўца з Саратава, што спецыяльна прыехаў у Дагестан для ўдзелу ў страйку.

Прыязджаюць у Дагестан і збіраюцца ўдзельнічаць у маршы таксама жыхары суседняй Чачэнскай Рэспублікі, дзе на пратэст «накладзенае строгае табу».

У самым Дагестане каля лагера дальнабойнікаў дзяжурыць АМАП, аднак масавых затрыманняў ён не праводзіць.

Сістэма спагнання платы за праезд грузавікоў дазволенай максімальнай масай звыш 12 т па федэральных трасах пачала працаваць у Расеі 15 лістапада. Уносіць збор перавозчыкі павінны праз сістэму «Платон», аператарам якой год таму без конкурсу стала кампанія «РТ-Інвест Транспартныя сістэмы» (паводле звестак СПАРК, аператар на 50% належыць сыну Аркадзя Ратэнбэрга Ігару, яшчэ на 50% - бізнэсоўцу Андрэю Шыпелаву і структурам «Растэха»).