Сярэдні заробак у Беларусі зніжаецца трэці месяц запар

Сярэдні заробак у Беларусі надалей скарачаецца трэці месяц запар. І гэта толькі афіцыйная статыстыка.

У кастрычніку ён зменшыўся на 0,4% у параўнанні з вераснем і склаў 6 млн. 837,6 тысячы, паведамляе Белстат.

За месяц сярэдні беларус стаў атрымліваць на 25,4 тысячы рублёў менш. У пераліку на даляры па сярэднеўзважанага курсу Нацбанка на кастрычнік сярэдні заробак склаў амаль 409 даляраў. Для параўнання: у снежні мінулага года ён быў роўны 621 даляра, піша tut.by.

Нагадаем, упершыню сёлета сярэдні заробак упаў у жніўні. У грашовым выразе беларусы страцілі за месяц 38,1 тысячу рублёў. У верасні падзенне прадоўжылася, заробак сярэдняга беларуса скараціўся тады на 107,6 тысячы рублёў.

У мінулым месяцы заробкі ўпалі ў прамысловасці да 7 325,4 тысячы рублёў (мінус 61 800 рублёў), будаўніцтва - да 8 263,5 тысячы (мінус 75400 рублёў). Заробак работнікаў аховы здароўя ў кастрычніку таксама прадоўжыў падзенне і склаў 5 550,5 тысячы рублёў. Гэта на 107 300 рублёў менш, чым ён быў у верасні. Лекары сталі атрымліваць на 46 400 рублёў менш, іх сярэдні заробак у мінулым месяцы склаў 8899 тысячы рублёў. Сярэдні медперсанал у кастрычніку атрымліваў 5 502,7 тысячы рублёў. Гэта на 94 тысячы менш, чым у верасні.

Але больш за ўсё заробкі ў кастрычніку ўпалі ў сельскай і лясной гаспадарцы - да 4913 тысячы (мінус 191800 рублёў за месяц).

Павялічыліся за месяц заробкі на транспарце і ў сувязі - 7749,9 тысячы (плюс 88 тысяч рублёў), а таксама ў адукацыі - 4899 тысячы (плюс 88900 рублёў). Вырас заробак як настаўнікаў - да 5 926,7 тысячы (плюс 120200 рублёў), так і прафесарска-выкладчыцкага складу - да 8014 тысячы (плюс 470600 рублёў).

Лідзіруюць па ўзроўні заробкаў спецыялісты, праца якіх звязана з вылічальнай тэхнікай, - 28,3 мільёна рублёў. Менш за ўсё сярэдні заробак у работнікаў, занятых у сферы сацыяльных паслуг, - 3,9 мільёна рублёў. Сярэднія заробак рабочых і служачых у кастрычніку склаў 6 мільёнаў 874,4 тысячы рублёў.

Па ўзроўні сярэдняга заробку па-ранейшаму лідзіруе Менск - 9 мільёнаў 321,7 тысячы рублёў. Аўтсайдарам па гэтым паказчыку сталі Віцебская (5 мільёнаў 869,9 тысячы рублёў) і Магілёўская вобласці (5 мільёнаў 873,3 тысячы рублёў).

Рэальны заробак, які разлічваецца з улікам інфляцыі, у студзені-кастрычніку зменшыўся на 3,2% у параўнанні з аналагічным перыядам мінулага года. У кастрычніку гэты паказчык скараціўся на 1,2% у параўнанні з вераснем.