Аляксандра Саладуху не пусцілі ў нацыянальны адбор «Еўравізіі»

Конкурс яшчэ не пачаўся - а першы скандал ужо тут як тут.

Ён падаў заяўку - прадставіў на конкурс песню «Чорныя крумкачы». Аднак праверку Белтэлерадыёкампаніі яна не прайшла - выявілася, што гэтую песню ужо выконваў іншы спявак. Знайшлося і відэа ў інтэрнэце, піша kp.by.

Усе памятаюць, як у 2004 годзе Аляксандр Саладуха ўжо штурмаваў нацыянальны конкурс з феерычнай кампазіцыяй «Тэйк іт ДсГ, гай». Як можна забыць гэты выдатны акцэнт падчас выканання кампазіцыі. А ў мінулым годзе - які цікавы быў Аляксандр Саладуха з крыламі гіганцкага матыля. І што ж - мы цяпер не ўбачым ўсю гэтую раскошу на нашых блакітных тэлеэкранах?

Аляксандр Саладуха таксама сур'ёзна знэрваваўся - бо напярэдадні ягоны сын Антон у сацсетках абвясціў конкурс на песню для «Еўрабачання». Са словаў спевака, прыйшло 36 заявак, але ніводная не падышла. І тады ён звярнуўся да свайго сябра Алега Елісеенкава.

Саладуха прызнаецца, што песню ён чуў і да гэтага - але яна яго не ўразіла. А тут раптам прабіла. І за паўгадзіны да закрыцця сын уварваўся на Галоўпаштамт і паспеў адправіць бандэроль на адрас Белтэлерадыёкампаніі.

- Мой сын патэлефанаваў у Белтэлерадыёкампанію і даведаўся, ці можна замяніць песню, - кажа спявак. - На жаль, ужо не. Але я яе збіраюся спяваць - сёння ўвечары апрабаваў на канцэрце ў Жодзіна, людзям спадабалася. Вядома, аўтары - Алег Елісеенкаў і Алесь Бадак ведалі, што яе выконваў Ігар Карнілаў. Яна і ў камітэце па аўтарскіх правах зарэгістраваная. Але мне і ў галаву не прыйшло спытаць у аўтараў аб іншых выканаўцах.

А наогул, на конкурс даслалі і прынеслі больш за 80 заявак. Сярод ахвотных пазмагацца за тур на «Еўравізію» зомбі-бэнд Sweet brains, ВІА «Песняры», Ян Маерс, якога гледачы ведаюць як удзельніка «Містэра Беларусі». Ужо ў чацвер у Белтэлерадыёкампаніі адбудзецца прэс-канферэнцыя, на якой абвесцяць астатніх удзельнікаў першага этапу адбору і тэрміны, у якія ён пройдзе. Імя пераможцы мы даведаемся не пазней за 25 студзеня 2016 года.