Першыя ахвяры зімовых дарог: БМВ пад Менскам выкінула ў кювет

Кіроўца, які справакаваў ДТЗ, сур'ёзна пацярпеў.

Ахвяры першага снегу сярод кіроўцаў сталі з'яўляцца на беларускіх дарогах, паведаміла карэспандэнту БелТА старшая інспектарка агітацыі і прапаганды АДАІ Маскоўскага РУУС Менска Любоў Трапашка.

Сёння раніцай у сталіцы выпаў снег, фактычна справакаваўшы адно з дарожна-транспартных здарэнняў. Аварыя здарылася а 09.20 на трасе М1. 47-гадовы кіроўца аўтамабіля «Фольксваген Туран» рухаўся з боку Фаніпаля ў беларускую сталіцу.

Не даехаўшы да горада лічаныя метры, ён спыніўся на абочыне і пачаў выходзіць з машыны. У гэты час яго збіў 29-гадовы кіроўца «БМВ», які рухаўся ў спадарожным кірунку. З яго слоў, з-за няроўнасці на дарозе аўтамабіль стала «насіць» і ён стаў некіраваным. Пасля сутыкнення «БМВ» выкінула ў кювет, дзе ён заляцеў ў дрэвы.

Кіроўца «Фальксвагена» атрымаў сур'ёзныя траўмы і быў дастаўлены ў бальніцу без прытомнасці. Другі аўтамабіліст сур'ёзна не пацярпеў. Вядома, што на аўтамабілі «БМВ» была зімовая гума. У ДАІ нагадваюць кіроўцам аб неабходнасці зніжаць хуткасць пры руху ў дождж і снег, не дапускаць рэзкіх рухаў, захоўваць дыстанцыю і быць вельмі пільнымі.