Нямеччына выдзеліць на барацьбу з «Ісламскай дзяржавай» 134 млн еўраў

У 2016 годзе ўрад Нямеччыны плануе накіраваць такую суму на вайсковую аперацыю ў Сірыі.

Пра гэта гаворыцца ў прадстаўленні, якое падрыхтавалі для зацвярджэння нямецкім парламентам міністр абароны Урсула фон дэр Ляйен і міністр замежных спраў Франк-Вальтэр Штайнмаер, паведамляе Spiegel (пераклад - «ЕвроПравда»).

Акрамя таго, у дакуменце вызначаныя тэрыторыі, на якіх нямецкі кантынгент будзе праводзіць свае аперацыі: Усходняе Міжземнамор'е, Персідскі заліў і Чырвонае мора.

«У 16-старонкавым дакуменце, які папаў у поле зроку Spiegel, выдаткі на ваенную місію ў Сірыі цягам 2016 ацэньваюцца ў 134 млн еўраў», - паведамляе выданне.

27 лістапада ўрад Нямеччыны афіцыйна абвясціў аб планах узяць удзел у ваеннай аперацыі супраць «Ісламскай дзяржавы» (ІД) у Сірыі.

Прынамсі, плануецца прыцягненне да аперацыі выведвальных самалётаў Tornado, фрэгата, які павінен спрыяць абароне французскага авіяносца «Шарль дэ Голь», і самалёта-запраўшчыка. Таксама з дапамогай супольнай нямецка-французскай спадарожнікавай сістэмы плануецца рабіць здымкі мясцовасці.