Пракаповіч пра тое, як друкавалі купюры ў 2009 годзе: «Я ўжо і не памятаю, як гэта было»
40- 4.11.2015, 21:47
- 36,846
Менавіта Пётр Пятровіч замовіў купюры і манеты, якія ўвядуць у абарачэнне праз 8 месяцаў.
На новых купюрах, якія, былі аддрукаваныя яшчэ ў 2009 годзе, стаіць подпіс Пятра Пракаповіча - экс-старшыні Нацыянальнага банка Беларусі. Гэта значыць менавіта ён замовіў купюры і манеты, якія ўвядуць у зварот праз 8 месяцаў.
«Комсомольская правда в Беларуси» патэлефанавала экс-старшыню Нацбанка Пятру Пракаповічу, каб даведацца, навошта шэсць гадоў таму замаўлялі новыя грошы.
- Усё было ў мінулым. Цяпер я пенсіянер, я ўжо не займаюся гэтымі справамі. А хіба пастанова прынятая ўжо Нацыянальным банкам? - здзівіўся Пётр Пятровіч.
- Так, Лукашэнка ўказ падпісаў.
- Вы мне навіну паведамілі, я і не ведаў. Але ўсе пытанні да Нацбанку.
- А што было ў 2009 годзе, чаму тады не правялі дэнамінацыю?
- Ды я ўжо не памятаю.
Нагадаем, з 1 ліпеня наступнага года ў Беларусі будзе праведзена дэнамінацыя. Нацыянальны банк Беларусі паведаміў, што з 31 снежня 2016 года грашовыя знакі ўзору 2000 года, якімі мы карыстаемся цяпер, заменяць на грошы, якія былі аддрукаваныя, як высветлілася, яшчэ ў 2008 годзе. Прапорцыя такая: 10 тысяч беларускіх рублёў цяперашніх заменяць на 1 беларускі рубель узору 2009 года. Гэта значыць, падчас дэнамінацыі адкінуць чатыры нулі.