Карыстальнікі сеткі зладзілі калядную акцыю для «самага самотнага школьніка Брытаніі»

Каб парадаваць хлопчыка, брытанцы прыдумалі адмысловую акцыю.

Інтэрнэт-карыстальнікі зладзілі калядную акцыю для «самага самотнага школьніка Брытаніі», паведамляе The Independent. Некаторы час таму СМІ распавялі пра дзесяцігадовага Арона Андэрсана з Аўт-Скерыс. На гэтым шэтландскім востраве жывуць блізу 70 чалавек. Андэрсан - адзіны вучань у школе.

Каб парадаваць хлопчыка, карыстальнікі прыдумалі адмысловую акцыю. На сайце Reddit з'явілася паведамленне з заклікам адправіць Андэрсану паштоўкі на Каляды. «Я ўзяў на сябе абавязак арганізаваць для яго нешта прыемнае», - заявіў карыстальнік сайта Рос Макмэн. Ён звязаўся са школай, дзе вучыцца Андэрсан, і папярэдзіў аб падрыхтоўцы акцыі.

Навучанне «самага самотнага школьніка Брытаніі» абыходзіцца мясцовай радзе ў £75,4 тысяч у год. Гэта больш чым удвая даражэй, чым месца ў прэстыжным Ітонскім каледжы. Двое братоў і двое сяброў Андэрсана перайшлі на вучобу ў сярэднюю школу, размешчаную на іншым з Шэтландскіх астравоў - Леруіке, піша gazeta.ru.

Сам Андэрсан прызнаецца, што цяпер сярод яго лепшых сяброў - сабака, качкі і авечкі. «Часам гэта даволі дзіўна - тое, што ў школе больш нікога няма», - распавёў брытанец. Тым не менш школьнік сцвярджае, што яму падабаецца востраў.