Фотафакт: BRUTTO на сцежцы вайны са злом
3- 2.12.2015, 11:24
- 17,922
У разгар канцэртнага туру «Родны край» па гарадах Украіны гурт BRUTTO прэзентуе новы фотапраект.
Удзельнікі гурту выходзяць на ўзровень эпічных бітваў з цёмнымі сіламі. Такія звышзадачы патрабуюць візуальнага афармлення. Што ж гэта за воін святла без адпаведнай фотасесіі, піша часопіс cultprostir.ua.
Мастакамі, якія рэалізавалі гэтую патрэбнасць, сталі беларускія фатографы Жэня Канаплёў і Юля Лейдзік са студыі Kanaplevleydik. Здымкі праходзілі ў Кіеве. Ініцыятарамі праекта сталі Жэня і Юля, яны самі прапанавалі свае паслугі камандзе BRUTTO: «Мы вельмі хацелі сфатаграфаваць Сяргея Міхалка, таму што яго творчасць неабыякава нам. Для нас ён - чалавек-легенда».
Яны слухалі песні, глядзелі кліпы, апускаючыся максімальна ў музыку і эстэтыку гурту. Так, са слоў фатографаў, аформіліся вобразы «воінаў святла і змагароў з чорнай сілай». Канаплёў і Лейдзік прызналіся: «На здымцы мы хваляваліся. Але калі пайшоў працэс і мы адчулі кожнага ўдзельніка, хваляванне сышло. Кожны з іх - асоба з энэргіяй BRUTTO. Здымкі боек былі апошнім блокам, хлопцы падтрымлівалі і ўсяляк дапамагалі, аддаваліся працэсу - гэта зараджала. Для нас гэта самая эмацыйная здымка, якую мы калі-небудзь перажывалі».
У якасці подпісаў для фота выкарыстаны радкі з сагі «BRUTTO - барацьба са злом», якая прэзентуецца адначасова з прэм'ерай арт-праекта.
Прастадушныя, як голуб, і мудрыя, як змяя.
Паплечнікі і стратэгі.
Напоўненыя крыніцай сілы ад учорашніх расчараванняў і руйнуючага болю.
Браты і сябры. Заўсёды там, дзе патрэбныя іншым.
Заўсёды адкрытыя і не затуманены ад нянавісці.
Гатовыя зрабіць першы крок насустрач.
Свабодныя і ўпартыя, далікатны і пакорныя.
Сёння. Тут. Цяпер. Напоўнены тым, што толькі час скажа, хто адолеў, а хто прайграў.
Воіны! Воіны святла, якія не баяцца расчараванняў! Бо ведаюць моц свайго мяча і сілу сваёй любові!
BRUTTO! Вершнікі свабоды, сілы і супрацьстаяння цёмным сілам! Раніцай. Днём. Вечарам. Заўсёды.