Менская міліцыя шукае кліента банка, які атрымаў у касіркі лішак грошай
50- 2.12.2015, 12:09
- 28,987
У Менску адшукваецца кліент банка, якому пры абмене валюты касірка памылкова выдала лішнія грошы.
Як паведамляе БелаПАН са спасылкай на ГУУС Менгарвыканкама, у Цэнтральнае РУУС сталіцы звярнулася касірка філіяла аднаго з банкаў з просьбай дапамагчы ў высвятленні асобы мужчыны, якому пры абмене валюты яна памылкова выдала грашовую суму большую, чым было трэба. Фота адшуканае з камеры відэаназірання размешчанае на сайце ГУУС.
Інцыдэнт адбыўся пад 14.30 гадзін 18 лістапада. Мужчына падышоў да акенца касіркі і перадаў ёй грашовыя сродкі сумай 870 даляраў ЗША, каб абмяняць іх на расейскія рублі. Касірка выдала кліенту грашовыя сродкі ў рублях РФ на 10 000 больш належнай сумы. Мужчына забраў грошы, пералічыў і пайшоў.
Службай бяспекі банка выняла запіс з камеры відэаназірання, на якім выяўляецца гэты чалавек.