Эрдаган: Турцыя не мае патрэбы ў расейскім газе

Урад Турцыі цяпер рыхтуе адказ на ўведзеныя Расеяй санкцыі.

Пра гэта прэзідэнт Турцыі Таіп Эрдаган заявіў журналістам, які суправаджаюць яго ў самалёце падчас пералёту ў Катар, паведамляе тэлеканал Haber Türk (пераклад - ТАСС).

Паводле ягоных слоў, урад правядзе «кансультацыі з узброенымі сіламі і ўсімі астатнімі ўстановамі».

Што да пытання пра расейцаў, якія пражываюць у Турцыі, Эрдаган сказаў, што яны маюць права і падпарадкоўваюцца законам, «не паважаць якія Турцыя не можа».

«Турцыя не стане, кіруючыся эмоцыямі, напрыклад, высылаць тых, хто прыехаў сюды з Расеі, купіў кватэру, пасяліўся», - сказаў ён.

Эрдаган таксама мяркуе, што краіна «не загібее» ў выпадку спынення паставак газу з Расеі.

«Вы ведаеце, мы не ўсё жыццё карыстаемся прыродным газам - вядома, калі мы яго для сябе адкрылі. І гаворка не ідзе пра тое, што мы прападзём без расейскага газу, - сказаў ён. - Я ўжо казаў, што акрамя Расеі мы купляем газ у многіх краін. З божай дапамогай мы пераадолеем праблемы».

Стасункі паміж Расеяй і Турцыяй значна пагоршыліся пасля таго, як турэцкія ВПС 24 лістапада збілі расейскі бамбавік Су-24, які парушыў паветраную прастору Турцыі.

У мінулую суботу 28 лістапад расейскі прэзідэнт Уладзімір Пуцін падпісаў указ аб увядзенні санкцый у дачыненні да Турцыі.