Звяз палякаў Гародні абраў новага старшыню
1- 2.12.2015, 12:58
- 9,991
Новым старшынём гарадзенскай гарадской арганізацыі непрызнанага ўладамі Звязу палякаў у Беларусі абраны Павел Кмецік.
Павел Кмецік быў абраны большасцю галасоў замест Яніны Саловіч, якая дагэтуль кіравала гарадзенскай арганізацыяй. Павел Кмецік у інтэрв'ю «Радыё Рацыя» адзначыў, кіруючы гарадзенскай структурай, вялікая ўвага будзе надавацца працы з моладдзю і прыцягненню яе ў шэрагі Звязу палякаў:
«Цяпер востра стаіць пытанне адзінства пакаленняў. Трэба, каб старэйшае пакаленне перадало свой досвед, традыцыі, любоў да роднай зямлі, а малодшае – прыняло ўсё гэта, каб не было разрыву».
У склад гарадзенскай гарадской арганізацыі Звязу палякаў уваходзіць больш за тысячу чалавек. Гэта самая вялікая тэрытарыяльная арганізацыя не толькі польскай меншасці, але і ўсяго няўрадавага сектара грамадскіх арганізацый.
Больш за дзесяць гадоў арганізацыя, як і ўвесь Звяз палякаў, праз ціск з боку афіцыйных улад Беларусі дзейнічае без дзяржаўнай рэгістрацыі.