Леанід Кучук названы асноўным кандыдатам на пасаду галоўнага трэнера «Кайрата»

Беларускі трэнер пакуль не каментуе інфармацыю пра тое, што правёў перамовы з кіраўніцтвам срэбнага прызёра чэмпіянату Казахстана.

Як інфармуе Sportinfo.kz, крыніца, блізкая да трэнера, паведаміла, што дамоўленасці аб падпісанні кантракта паміж Леанідам Кучуком і «Кайратам» яшчэ няма, але гэта толькі пытанне часу.

Са словаў крыніцы, у цяперашні момант асноўным кандыдатам на пасаду галоўнага трэнера самага знакамітага клуба Казахстана з'яўляецца менавіта Леанід Станіслававіч, апошняй камандай якога была краснадарская «Кубань».