Сакрэтны рапарт NATO: Сітуацыі на Балтыцы «вельмі нестабільная»
- 2.12.2015, 17:19
- 8,520
Фінляндыя і Швэцыя ўдзельнічалі ў складанні рапарта NATO аб бяспецы ў Балтыйскім рэгіёне.
У сакрэтным дакуменце гаворыцца, прынамсі, што сітуацыя ў рэгіёне «вельмі нестабільная», паведамляе Yle са спасылкай на інфармацыю газеты Helsingin Sanomat.
Як вядома, Фінляндыя і Швэцыя не з'яўляюцца чальцамі блока NATO, піша «Еўрапейская праўда».
Выданне адзначае, што ўдзел краін, якія не ўваходзяць у паўночнаатлантычны вайсковы альянс, у складанні рапарта з'яўляецца прыкладам новага палітычнага супрацоўніцтва, пра які ішла гаворка на леташнім саміце NATO з удзелам Фінляндыі і Швэцыі.
Зрэшты, міністр замежных спраў Ціма Сойні не бачыць у такім супрацоўніцтве «нічога выключнага».