БАТЭ будзе рыхтавацца да матчу з «Ромай» у Італіі
3- 2.12.2015, 20:29
- 7,267
У Рым каманда ў складзе 26 гульцоў адправілася 2 снежня.
Пра гэта charter97.org паведамілі ў прэс-службе клуба.
Сёння аб 11.15 "жоўта-сінія" з Нацыянальнага аэрапорта "Мінск" узялі курс на сталіцу Італіі, дзе правядуць міні-збор напярэдадні сустрэчы 6-га тура групавога этапу Лігі чэмпіёнаў-2015/16 з "Ромай". Гэтая гульня адбудзецца ў сераду, 9 снежня, у Рыме, на "Стад Алімпіка", і пачнецца а 20.45 паводле мясцовага часу (22.45 паводле беларускага).
Пад кіраўніцтвам Аляксандра Ермаковіча будуць працаваць 26 футбалістаў:
брамнікі - Арцём Сарока, Сяргей Чэрнік, Антон Чычкан;
абаронцы - Максім Валадзько, Віталь Гайдучык, Каспар Дубра, Максім Жаўнерчык, Філіп Младэнавіч, Неманье Мілунавіч, Дзяніс Палякоў;
паўабаронцы - Ілля Алексіевіч, Дзмітрый Бага, Аляксандр Валадзько, Аляксандр Глеб, Аляксандр Карніцкі, Дзмітрый Ліхтаровіч, Неманье Нікаліч, Эдгар Аляхновіч, Ігар Стасевіч, Аляксей Рыас, Яўген Яблонскі;
нападнікі - Міхаіл Гардзяйчук, Аляксандар Еўтыч, Дзмітрый Мазалеўскі, Віталь Радзівонаў, Мікалай Сігневіч.
Па прылёце наша каманда размесціцца ў гатэлі "Mancini Park", на тэрыторыі якога і будзе трэнавацца ў аднаразовым рэжыме.