Кінакрытыкі назвалі найлепшыя фільмы 2015

Нацыянальная рада кінакрытыкаў ЗША назвала найлепшыя кінастужкі 2015 года.

Фільмам года прызнаны постапакаліптычны баявік "Вар'яцкі Макс - 4: Дарога лютасці" з Томам Хардзі і Шарліз Тэрон у галоўных ролях. Раней стужку назвалі найбольш пампаваным фільмам лета - у перыяд з чэрвеня да верасеня 2015 яе запампавалі 22,9 мільёна разоў ва ўсім свеце, піша korrespondent.net.

Найлепшым рэжысёрам быў прызнаны аўтар "Марсіяніна" Рыдлі Скот. Галоўную ролю ў фільме выканаў Мэт Дэйман, які ўвасобіў на экране інжынера і біёлага Марка Уотні. Фільм выстаўлены на атрыманне прэміі "Залаты глобус" у катэгорыі "камедыі і мюзіклы".

У намінацыях "Найлепшы актор" і "Найлепшая акторка" перамаглі Мэт Дэйман (за ролю ў "Марсіяніне") і Бры Ларсан (за ролю ў "Пакоі").

У намінацыі "Найлепшы замежны фільм" атрымала перамогу вугорская кінастужка "Сын Сола" дэбютанта Ласла Немеша.

Таксама быў названы найлепшы анімацыйны фільм гэтага года - ім стаў мультфільм "Галаваломка".

Урачыстая цырымонія ўручэння ўзнагарод адбудзецца 5 студзеня 2016 года.