Паслугі мытні за ўвоз аўто ў Беларусь падаражэлі ў пяць разоў

Стаўка мытнага збору за мытныя аперацыі ў дачыненні да аўтамабіляў для асабістага карыстання павялічаная ў пяць разоў - з 10 да 50 еўраў.

Стаўка збору для іншых тавараў для асабістага карыстання засталася ранейшай - 5 еўраў.

Гэта рэгламентавана ўказам Лукашэнкі №496 ад 17 снежня, апублікаваным на Нацыянальным прававым інтэрнэт-партале 19 снежня. Дакумент уносіць змяненні ва ўказ ад 13 лiпеня 2006 года №443 «Аб мытных зборах», ён увайшоў у законнае дзеянне.