Хадаркоўскага абвясцілі ў федэральны вышук

Экс-кіраўнік ЮКАСа Міхаіл Хадаркоўскі абвешчаны ў федэральны вышук.

Пра гэта паведаміў «Интерфакс» са спасылкай на крыніцу.

З яго слоў, наступнымі крокамі Следчага камітэта Расеі (СКР) можа быць абвяшчэнне фігуранта ў міжнародны вышук і хадайніцтва аб завочным арышце.

Прэс-сакратарка Хадаркоўскага Кюле Піспанен паведаміла, што адрас экс-кіраўніка ЮКАСа следчым вядомы. «Ён ёсць і на старонцы «Адкрытай Расеі», - сказала Піспанен.

Са слоў Піспанен, Хадаркоўскі не мае намеру ўдзельнічаць у следчых дзеяннях і выходзіць на сувязь з расейскімі следчымі. «Удзельнічаць у фарсе? Ён ужо пагуляўся з імі на 10 гадоў», - сказала яна.

Як паведаміла інфармаваная крыніца ТАСС, Хадаркоўскаму завочна прад'яўленае абвінавачванне ў датычнасці да забойства мэра Нефцеюганска Петухова ў 1998 годзе.

Напярэдадні Хадаркоўскі паведаміў на сваёй старонцы ў Twitter, што яго бацьку, Барысу, уручылі позву ў Следчы камітэт. У позве гаворыцца, што Міхаіл Хадаркоўскі павінен 11 снежня прыехаць да следчых для допыту ў якасці абвінавачанага ў крымінальнай справе №18/35-03.

«Бацьку сёння прыцягнулі. Як быццам мой адрас не ведаюць. Паведамляю: Hanover sq. 16. Панылая спроба змены тэмы абмеркавання», - адзначыў Хадаркоўскі.

Пры гэтым на апублікаванай ім фатаграфіі позвы з СКР ад рукі напісана: «Паколькі Хадаркоўскі М. Б. знаходзіцца за межамі РФ, прыход немагчымы»

Як паведаміў РБК крыніца, знаёмая з ходам расследавання, справы №18/35-03 - справа аб забойстве мэра Нефцеюганска Уладзіміра Петухова. Пра гэта ж напісаў каардынатар «Адкрытай Расеі» Уладзімір Кара-Мурза.