Хедзіру і Хамеса могуць аштрафаваць за святкаванне дня нараджэння Раналду
1- 11.02.2015, 11:19
- 9,339
Паўабаронцам «Рэала» пагражае штраф.
Паўабаронцам «Рэала» Самі Хедзіру і Хамесу Радрыгесу пагражае штраф за ўдзел у вечарыне ў гонар 30-годдзя нападніка каманды Крышціяну Раналду, якая адбылася адразу пасля паразы ад «Атлетыка» (0:4) у рамках чэмпіянату Гішпаніі.
Паводле звестак Cuatro, кіраўніцтва мадрыдскага клуба разглядае магчымасць аштрафаваць абодвух за парушэнне кодэкса паводзін.
Адзначаецца, што першапачаткова пакаранне пагражала і паўабаронцу «Рэала» Луку Модрычу, які таксама наведаў вечарыну, але пазней выбачыўся, і прэтэнзіі да яго знялі, піша by.tribuna.com.
Нагадаем, Хедзіра, Хамес і Модрыч цяпер аднаўляюцца пасля траўмаў.