Каспар Дубраў стаў гульцом барысаўскага БАТЭ

Латвійскі футбаліст здолеў зрабіць належнае ўражанне на трэнерскі штаб на чале з Аляксандрам Ермаковічам.

Абаронца Каспар Дубраў падпісаў кантракт з БАТЭ. Аб гэтым паведамляе афіцыйны сайт барысаўскага клуба.

Латвійскі футбаліст, у якасці выпрабавальнага тэрміну, адпрацаваў першы турэцкі збор «жоўта-сініх», браў удзел у спарынгах з «Зенітам» і «Марыборам» і здолеў зрабіць належнае ўражанне на трэнерскі штаб на чале з Аляксандрам Ермаковічам.

Учора Каспар Дубраў паспяхова прайшоў медагляд у адной з клінік Анталлі, што за 30 кіламетраў ад Белеку, дзе кватаруюць адзінаццацікратныя чэмпіёны Беларусі. І ў выніку паставіў подпіс пад працоўным пагадненнем з БАТЭ.