Мінгандлю незадаволенае рэкламай касметыкі
3- 11.02.2015, 16:56
- 6,406
Міністэрства гандлю патрабуе, каб рэклама не ўтрымлівала ўказанне на лячэбныя ўласцівасці аб'екта рэкламавання.
Пра гэта сайту charter97.org заявілі ў прэс-службе ўстановы.
Гэта патрабаванне не тычыцца рэкламы лекавых сродкаў, метадаў аказання медыцынскай дапамогі, работ і (або) паслуг, якія звязаныя з медыцынскаю дзейнасцю, вырабамі медыцынскага прызначэння і медыцынскай тэхнікай.
Аднак у парушэнне названага патрабавання Міністэрствам гандлю ў 2014 годзе ўстаноўленае размяшчэнне (распаўсюджванне) рэкламы наступных прадуктаў, якая ўтрымлівала інфармацыю аб лячэбных уласцівасцях гэтых прадуктаў:
- Бальзаму «ГоджиДОКТОР», «Натуроник «Каштан», «Натуроник «Ястребинка», «Натуроник «Синюха», «Натуроник «Годжи», «Натуроник «Артемия», «Натуроник «Лиственная губка», «Натуроник «Рейши», «Натуроник «Сори Псори», «Натуроник «Брокколи», «Алтайский целитель», комплексаў «Каменное масло +7», «Сибирская лиственница +7», крэмы «Добродея живичный +7» (рекламодатель ООО «Алтайский знахарь»);
- Бальзаму «100 даров» (рэкламадавец ПГУП «АпіфітаБел»);
- Прадукту «ламінарын» (рэкламадавец ТАА «субратаў»).
Гэтая рэклама распаўсюджвалася праз паштовыя скрыні, а таксама на выставах і кірмашах.
Паводле дакументаў гэтыя тавары з'яўляюцца парфумерна-касметычнай прадукцыяй або прадуктамі харчавання і не з'яўляюцца лекавымі сродкамі.
Разам з тым у рэкламе паведамлялася пра лячэбныя ўласцівасці гэтых прадуктаў: шматлікія спасылкі на фармакатэрапеўтычныя эфекты гэтай прадукцыі (паляпшэнне кровазвароту, зняцце ацёкаў, вяртанне адчувальнасці і рухомасці, нармалізацыя стану сасудаў, крыві, лімфы, мозгу і сэрца, аднаўленне кровазабеспячэння канечнасцяў, «забівае інфекцыі і вірусы» і г.д.), а таксама на іх лячэбнае дзеянне (нармалізуе ціск пры гіпер- і гіпатаніі, аднаўляе патэнцыю, лечыць астэахандроз, анкалагічныя захворванні, дыстрафію крышталіка і г.д.).
Таксама рэклама ўтрымлівала водгукі фізічных асоб аб выніках прымянення імі рэкламаванай прадукцыі ў лячэнні шырокага круга захворванняў, што з'яўляецца інфармацыяй пра лячэбныя ўласцівасці гэтай прадукцыі.
Названыя суб'екты прыцягнуты да адміністрацыйнай адказнасці за парушэнні заканадаўства.
У сувязі з гэтым звяртаем увагу спажыўцоў на тое, што ўсе пералічаныя прадукты не з'яўляюцца лекавымі сродкамі, дакументы, якія пацвярджаюць наяўнасць у іх лячэбных уласцівасцяў, рэкламадаўцамі не прадстаўленыя. Таму разлічваць на эфектыўнасць гэтых прадуктаў у лячэнні захворванняў, у тым ліку што цяжка лечацца, не варта.
Акрамя таго, згодна з Законам Рэспублікі Беларусь «Аб абароне правоў спажыўцоў» спажывец мае права запатрабаваць у прадаўца дакументы, якія пацвярджаюць якасць і бяспеку тавару, у якіх будзе паказана, да якой групы тавараў належыць гэты прадукт.