У супрацоўнікаў фонду Навальнага - новы ператрус
1- 12.02.2015, 10:02
- 3,957
Следчыя прыйшлі з ператрусам у кватэру супрацоўніцы Фонду барацьбы з карупцыяй Ганны Дадонавай у справе аб крадзяжы карціны.
Пра гэта паведамляе прэс-сакратарка заснавальніка фонду Аляксея Навальнага Кіра Ярмыш, паведамляе BBC.
«У супрацоўніцы ФБК Ганны Дадонавай (на фота) і бацькоў аднаго з абвінавачаных у плакатнай справе Мікіты Кулачэнкава ператрусы», - напісала Ярмыш у сваім «Твітэры».
Адвакат Васіль Кушнір паведаміў у сваім мікраблогу, што ператрус у бацькоў Кулчэнкава пачаўся а 6.58 раніцы.
6 лютага следчыя правялі ператрус у кватэры кіраўніка Фонду барацьбы з карупцыяй Рамана Рубанава ў справе аб знікненні малюнка ўладзімірскага мастака Сяргея Сотава.
Малюнак «Дрэнны і добры чалавек» быў знойдзены летам мінулага года падчас ператрусаў дома ў Аляксея Навальнага ў Маскве. Паводле версіі СКР, неўстаноўленая асоба таемна выкрала карціну, размешчаную для ўсеагульнага агляду на адной з цэнтральных вуліц горада Уладзіміра.