Зборная Беларусі - 101-я ў рэйтынгу ФІФА

У апублікаванай 12 лютага новай версіі рэйтынгу ФІФА зборная Беларусі займае 101-е месца.

У актыве нашай каманды 331 бал. Узначальвае ж рэестр зборная Нямеччыны - 1729 балаў, піша «Прессбол».

У першай дзесятцы рэйтынгу таксама адбыліся змены: зборная Гішпаніі апусціліся на 10-е месца, французская зборная - на 8-е, уругвайцы падняліся на 9-ы радок.

Пераможца Кубка Азіі-2015 зборная Аўстраліі ўзляцела на 37 пазіцый і цяпер знаходзіцца на 63-м радку. Каманда Кот-д'Івуара, якая перамагла ў Кубку афрыканскіх нацый-2015, паднялася на 8 пазіцый і займае 20-е месца.