Полк «Азоў» адбіў два напады ваеўнікоў пад Марыупалем
6- 12.02.2015, 14:52
- 21,470
Дзве атакі ваеўнікоў пад Марыупалем былі адбітыя сёння раніцай.
Пра гэта гаворыцца на старонцы палка "Азоў" у сацыяльнай сетцы "Фэйсбук".
"09:10. Другая хваля атакі адбітая. Назіраем трупы сэпаратыстаў у полі/ Тэрарысты не могуць іх вынесці, - гаворыцца ў паведамленні. - Шчыльна і магутна працуе варожая артылерыя. Чакаем трэцюю хвалю".
Раней паведамлялася, што ідуць баі за Шырокіна і Саханку, дзе а 08:30 пачалася другая хваля атакі ворага.
"Пасля выбітай з горада роты тэрарысты кінулі яшчэ некалькі рот і танкі. Шчыльна працуе артылерыя", - паведамляў тады "Азоў".
Як вядома, раніцай ваеўнікі заатакавалі ўскраіны Марыупаля, але набоі ўпалі каля блокпоста паблізу раёна Усходні - горада не дасягнулі.