Грыбаўскайтэ: Менскія дамоўленасці - абсалютна слабыя
6- 12.02.2015, 19:00
- 22,299
Дамоўленасці, дасягнутыя ў Менску падчас сустрэчы лідараў краін "нармандскай чацвёркі", з'яўляюцца абсалютна слабымі.
Пра гэта заявіла прэзідэнтка Літвы Даля Грыбаўскайтэ журналістам у Брусэлі перад самітам ЕЗ, піша "Еўрапейская праўда".
"Асноўная частка развязання (канфлікту) - гэта кантроль за межамі. Гэта не было ўзгоднена і пытанне не было развязанае", - адзначыла яна.
"Гэта азначае, што мяжа адкрытая для праходу ўсялякіх вайскоўцаў і ўсялякага ўзбраення", - адзначыла Грыбаўскайтэ.
"Гэта азначае, што пастановы абсалютна слабыя", - падкрэсліла прэзідэнтка Літвы.
Ці не занадта аптымістычная пастанова і з нагоды дамоўленасцяў аб спыненні агню.
"5 месяцаў таму ў нас ужо было адное пагадненне аб спыненні агню, яно не было імплементаванае. Паглядзім, што адбудзецца з гэтым", - падкрэсліла Грыбаўскайтэ.
"Мы паглядзім найбліжэйшымі днямі як мінімум гэтыя частковыя дамоўленасці будуць імплементаваныя", - дадала яна.
Як вядома, саміт у Менску з удзелам лідараў "нармандскай чацвёркі" доўжыўся цягам 16 гадзін, у выніку былі дасягнутыя дамоўленасці аб спыненні агню і адводзе цяжкай тэхнікі на Данбасе.