Па ісламістах у Іраку ды Сірыі нанесены новы авіяўдар

Мэтамі чатырох удараў былі падраздзяленні баевікоў, бульдозеры, транспартныя сродкі, будынкі і кулямётныя гнёзды.

Самалёты кааліцыі на чале з ЗША нанеслі з серады 12 авіяўдараў па пазіцыях баевікоў "Ісламскай дзяржавы" ў Іраку і тры ўдары па мэтах у Сірыі, паведамляе BBC са спасылкай на амерыканскае вайсковае камандаванне.

Мэтамі чатырох удараў ля Масула і трох у ваколіцах Кіркука былі падраздзяленні баевікоў, бульдозеры, транспартныя сродкі, будынкі і кулямётныя гнёзды.

У іншых раёнах удары наносіліся па тактычных падраздзяленнях сіл ІД, мінамётных пазіцыях, а таксама па насыпе, які кантралюе сцёк вады ў ваколіцах Фалуджы.

У Сірыі ўдары былі нанесеныя па пазіцыях баевікоў у раёне Кабані і па нафтавых вежах недалёка ад горада Аль-Хасака на паўночным усходзе.