Французскі рэжысёр зняў кліп за 5 секунд (Відэа)
3- 13.02.2015, 10:46
- 9,999
Французскі рэжысёр Гільём Панар’ела (Guillaume Panariello) зняў кліп для гурта Sisi за пяць секунд.
Сам кліп атрымаўся працягласцю 3 хвіліны 20 секунд, піша meduza.io.
Панар’ела усталяваў камеру Phantom Flex4K, што здымае з частатой 1000 кадраў у секунду, на аўтамабіль, што рухаўся з хуткасцю 50 кіламетраў у гадзіну. Уздоўж 80-метровага адрэзка дарогі, які стаў здымачнай пляцоўкай, стаялі 80 актораў.
Панар’ела называе сваю працу «самымі кароткімі здымкамі ў гісторыі». Яны праходзілі ў прамысловым раёне камуны Ла Краўя на поўдні Францыі.