NASA паказала вярчэнне Плутона і Харона

Для стварэння відэа выкарыстоўвалася злепванне здымкаў, якія зрабіла станцыя New Horizons ў перыяд з 25 да 31 студзеня 2015 года.

У першы дзень здымак апарат знаходзіўся на адлегласці блізу 4,8 мільярда кіламэтраў ад Зямлі і 203 мільёнаў кіламэтраў ад Плутона (гэта прыкладна на траціну больш за адлегласць ад Зямлі да Сонца), піша "Корреспондент".

За 6,5 дзён здымак ён стаў бліжэйшы да карлікавай планеты на восем мільёнаў кіламэтраў. На відэа Плутон і Харон круцяцца вакол агульнага цэнтра мас (які знаходзіцца па-за карлікавай планетай) з перыядам 6,4 зямнога дня. Іншыя чатыры спадарожнікі Плутона на відэа непрыкметныя.

Маса карлікавай планеты параўнальная з масай свайго спадарожніка (яна толькі ў дзесяць разоў большая), таму вакол Сонца Плутон круціцца з некаторым ваганнем, што прыкметна на відэа. Аб'екты заўсёды павернутыя адзін да аднаго адным і тым жа бокам, а адлегласць паміж іх цэнтрамі роўна прыкладна 19,6 тысячы кіламэтраў.

У сярэдзіне ліпеня 2015 года аўтаматычная міжпланетная станцыя NASA New Horizons павінна наблізіцца на мінімальную адлегласць да Плутону - 12,5 тысячы кіламэтраў. Асноўнай задачай праграмы New Horizons з'яўляецца вывучэнне карлікавай планеты і яе спадарожніка.