The Washington Post: Менскія пагаднення не перашкаджаюць Пуціну ствараць «Наваросію»

Адзіным вынікам перамоў стала магчымасць спынення агню, якая таксама пад пагрозай зрыву.

Пасля перамоў у Менску засталося незразумелым, ці здалеюць стораны напэўна ўсталяваць замірэнне ў Данбасе. Калі дамоўленасць аб спыненні агню будзе ажыццёўленая, то Украіна прынамсі нейкі час не будзе страчваць сваіх жаўнераў і тэрыторыі пад ціскам расейскай вайсковай агрэсіі.

Аднак пагадненне з ініцыятывы лідэраў Нямеччыны і Францыі амаль ніяк не ўплывае на планы Уладзіміра Пуціна стварыць на ўсходзе Украіны "марыянеткавую краіну", з дапамогай якой ён мерыцца сабатаваць астатнюю частку краіны.

Пра гэта сёння піша Washington Post (пераклад - ZN.ua), сумняваючыся, што тэзісы новага Менскага пагаднення будуць выкананыя ў поўнай меры.

"Вынікам перамоў у Менску з удзелам Пуціна, Мэркель, Аланда і Парашэнкі адлюстроўваюць вялікі дысбаланс у пазіцыях Крамля, які ўжывае вайсковы гвалт, і еўрапейскімі лідэрамі, якія не проста не хочуць ніяк адказваць на агрэсію, але і нават спрабуюць перашкаджаць Украіне атрымаць дапамогу, патрэбную для самаабароны", - гаворыцца ў артыкуле.

Выданне піша, што ў абмен на ненадзейнае абяцанне Пуціна аб "дээскалацыі" еўрапейскія лідэры "прымусілі Парашэнку" прыняць умовы, пры якіх Пуцін зможа накладваць вэта на канчатковае палітычнае ўрэгуляванне на ўсходзе Украіны і атрымае дазвол у далейшым парушаць суверэнітэт краіны найбліжэйшым часам.

Выданне піша, што Масква патрабуе ад Кіева правядзення прымальнай для яе канстытуцыйнай рэформы да канца года. І толькі тады ўкраінская ўлада зможа аднавіць свой кантроль над расейска-ўкраінскай мяжой. А без гэтага кантролю Украіна не зможа перашкодзіць Расеі пастаўляць зброю і жаўнерам тэрарыстам на Данбас.

"Пагадненне таксама прадугледжвае вывад "замежных войскаў" з тэрыторыі Украіны, але пры гэтым Пуцін намагае, што на Данбасе ёсць "легіён" NATO, а расейскіх войскаў няма", - гаворыцца ў артыкуле.

Таму не дзіўна, што Парашэнка пасля перамоў заявіў, што галоўным кансэнсусам, які выпала ўзгадніць, стала магчымасць прыпынення агню на Данбасе. Але на фоне гэтай дамоўленасці Пуцін заявіў, што ўкраінскія жаўнеры пад Дэбальцавам "павінны скласці зброю" і аддаць украінскі горад тэрарыстам.

Выданне піша, што на фоне такога дыпламатычнага наступу Расеі на Еўропу і Украіну ў прэзідэнта ЗША Барака Абамы з'яўляецца рэальная нагода, каб даць Украіне абарончую зброю.

"Але Пуцін можа аднавіць вайсковую агрэсію, калі яму захочацца, у той час як увядзенне новых санкцый або дастаўка зброі зойме цэлыя месяцы", - гаворыцца ў артыкуле.

Тым часам, у Вашынгтоне заявілі, што могуць разгледзець паслабленне санкцый, калі ўсе пункты Менскіх пагадненняў будуць выкананыя, уключна з вывадам войскаў з Украіны і вяртанне Кіеву кантролю над мяжой.

"Але без дадатковых санкцый і вайсковага ціску Пуцін ніколі не пагодзіцца выканаць гэтыя ўмовы", - гаворыцца ў артыкуле.