Беларускі паўабаронца перайшоў ва ўзбецкі «Машал»
1- 14.02.2015, 18:39
- 4,299
26-гадовы беларускі паўабаронца Мікіта Букаткін уклаў гадавы кантракт з узбецкім клубам «Машал» з Мубарэка.
Букаткін ужо дэбютаваў за сваю новую каманду і дапамог ёй выйсці ў паўфінал узбецкай лігі. У чвэрцьфінале Лігі Узбекістана «Машал» з лікам 2:0 падолеў клуб «НБУ-Азія». Букаткін выйшаў у асноўным складзе свайго новага клуба і правёў на полі пяцьдзесят хвілін, піша БелаПАН.
У чэмпіянаце Узбекістана «Машал» займае 5-яе месца з 36 баламі пасля 26 згуляных матчаў.
Да пераезду ва Узбекістан Мікіта Букаткін выступаў толькі на радзіме, абараняючы колеры салігорскага «Шахцёра», наваполацкага «Нафтана», «Мінска» і бабруйскай «Белшыны». З клубам з Наваполацка апорны паўабаронца здабыў Кубак Беларусі, а з «Шахцёрам» бронзавыя медалі чэмпіянату Беларусі.
Таксама гулец выступаў у складзе моладзевай каманды Беларусі.