Парашэнка, Мэркель і Аланд пільна сочаць за сітуацыяй вакол Дэбальцава
13- 14.02.2015, 20:15
- 16,168
Усе стораны перамоў у Менску, у тым ліку Расея, павінны выконваць узятыя на сябе абавязанні.
Гэта падкрэслілі падчас тэлефоннай размовы прэзідэнт Украіны Пятро Парашэнка, канцлерка Нямеччыны Ангела Мэркель і прэзідэнт Францыі Франсуа Аланд, паведамляе УНІАН.
Суразмоўцы "выказалі ўстурбаванасць сітуацыяй вакол Дэбальцава і дамовіліся пільна сачыць за развіццём сітуацыі".
"Цяпер рэалізацыя апошніх дамоўленасцяў у Менску з'яўляецца ключавой", - падкрэслілі суразмоўцы.
Таксама стораны дамовіліся заставацца ў шчыльнай каардынацыі намаганняў і прыкласці ўсе намаганні для забеспячэння мірнага ўрэгулявання на Данбасе.
Парашэнка падзякаваў Аланду і Мэркель за падтрымку Украіны і намаганні для аднаўлення міру на Данбасе, якую яны прадэманстравалі падчас перамоў у Менску 12-13 лютага, а таксама падчас апошняга пасяджэння Еўрапейскай Рады ў Брусэлі.