Расейскі актывіст збег з-пад хатняга арышту ва Украіну

Змешчаны Кунцаўскім раённым судом Масквы пад хатні арышт Павел Шэхтман з'ехаў ва Украіну.

Пра гэта паведаміў у сваім Фэйсбуку палітактывіст Уладзімір Малышаў.

"Узяў сціплы ўдзел у выратаванні грамадзянскага актывіста Павел Шэхтман. Ён у бяспецы на тэрыторыі Украіны. Дзякуй усім, хто ўзяў удзел", - напісаў Малышаў.

Пад хатні арышт Шэхтман змясцілі ў чацвер. Пра гэта следчы Кунцаўскага межрайаддзела СКР Антон Крываў, які вядзе справу Шэхтмана, паведаміў ягонаму адвакату Алене Раманавай.

Сустрэўшыся з Шэхтманам, Раманава паведаміла "Граням.ру", што ён, як высветлілася, быў аб'яўлены ў вышук. У пастанове суда хатні арышт быў матываваны тым, што Шэхтман паводле позваў не з'яўляецца, устанавіць ягонае месцазнаходжанне не магчыма. Акрамя таго, было паказана, што Шэхтман "працягвае займацца злачыннай дзейнасцю". Раманава ў сувязі з гэтым не выключала, што могуць з'явіцца новыя справы і эпізоды.

Следчы настойваў на змяшчэнні Шэхтмана ў СІЗА, але суддзя абмежавалася хатнім арыштам. Шэхтману было забаронена пакідаць кватэру, аднак "пры наяўнасці падстаў" дазвалялася хадзіць у медустановы. Яму таксама было забаронена карыстацца тэлефонам за выключэннем званкоў ў экстранныя службы і мець стасункі з пацярпелым і сведкамі паводле справы, акрамя пражываючых у кватэры.

Паліцыя затрымала актывіста ўвечары ў аўторак, пранікшы ў ягоную кватэру. Падставай для затрымання сілавікі назвалі няяўку Шэхтмана на допыт. Аднак Раманава паведаміла, што яе як адваката аб запланаваных допытах не паведамлялі.

Справа супраць Шэхтмана была распачатая 30 верасня 2014 г паводле даносу руху "Рускі грамадскі кантроль". Актывісту ставіцца пункт "а" часткі 2 артыкула 282 КК (распальванне нянавісці і варожасці з пагрозай прымянення гвалту). Яму пагражае да пяці гадоў калоніі.

Падставай да крымінальнага пераследу актывіста стаў зроблены ім 15 жніўня на асабістай старонцы ў Фэйсбуку пераказ публікацыі ўкраінскага блогера Рамана Давідзенкі, дзе прынамсі, сцвярджалася, што "палонных украінскіх вайскоўцаў, якія адмаўляюцца даваць каментары расейскіх каналам, "тэррашысты" забіваюць".

7 кастрычніка 2014 года Шэхтмана затрымалі. Падчас ператрусу ў яго канфіскавалі ўсю аргтэхніку, а таксама мабільнікі. У той жа дзень актывісту было выстаўленае абвінавачванне. Затрыманага адправілі ў ІЧУ УУС Заходняй акругі сталіцы.

8 кастрычніка суддзя Кунцаўскага райсуду Масквы Алена Абрамава адхіліла хадайніцтва следчага Крывава аб адпраўцы Шэхтмана ў СІЗА, пастанавіўшы вызваліць яго пад падпіску аб нявыездзе. На другі дзень актывіста выпусцілі з ІЧУ.

Шэхтман стаў не першым расейскім палітактывістам і публіцыстам, які схаваўся ад пераследу на тэрыторыі Украіны. Напрыканцы студзеня Сяргей Крукаў, фігурант пяці крымінальных спраў, заведзеных за публікацыі ў ягоным асабістым блогу, выехаў ва Украіну і папрасіў там палітычнага прытулку. Крукаў паўгода правёў у СІЗА. Яго вызвалілі пад падпіску ў сувязі са сканчэннем гранічнага тэрміну арышту паводле абвінаваўчых артыкулаў. У ФСБ пагражалі, што не выпусцяць Крукава з турмы жывым.