Жыхарка Калумбіі змяніла імя на алфавіт
13- 17.02.2015, 15:35
- 9,171
Настаўніца з горада Багата змяніла імя і прозвішча на паслядоўнасць літар ангельскага алфавіту, стаўшы Abcdefg Hijklmn Opqrst Uvwxyz.
Пра гэта паведамляе The Daily Mirror, піша Lenta.ru.
36-гадовая жанчына выдаткавала два гады на барацьбу з чыноўнікамі за права выбраць незвычайнае імя і прозвішча. Abcdefg Hijklmn Opqrst Uvwxyz распавяла, што заўсёды марыла мець цяжка вымаўляльнае імя.
Перш чым стаць Abcdefg Hijklmn Opqrst Uvwxyz, выкладчыцу клікалі Лэдзізунга Кібарг (Ladyzunga Cyborg), што таксама не было яе сапраўдным імем. Як піша выданне, калумбійкі «адчувае неабходнасць пастаяннага самавызначэння», таму ў залежнасці ад настрою мяняла імя ўжо некалькі разоў. Як назвалі Abcdefg Hijklmn Opqrst Uvwxyz пры нараджэнні, The Daily Mirror не ўдакладняе.
У студзені 2015 паведамлялася, што ў Францыі судовыя органы забаранілі бацькам назваць сваіх нованароджаных дзяцей Нутэлай і Клубнічкай, паколькі, на думку экспэртаў, гэтыя імёны маглі «перашкодзіць дзвюм дзяўчынкам, калі тыя вырастуць, весці нармальнае асабістае жыццё».
Фота: Ladyzunga
