Міністры абароны ЕЗ праводзяць нараду ў Рызе

Міністры абмяркуюць праблему гібрыднай пагрозы, баявыя групы ЕЗ, змены сусветнай сітуацыі з бяспекай.

Сёння і заўтра ў Рызе пройдзе нефармальная нарада міністраў абароны ЕЗ для падрыхтоўкі дыскусіі Рады ЕЗ аб абароне, што адбудзецца ў чэрвені, і стане цэнтральным мерапрыемствам гэтага блока падчас старшынства Латвіі ў ЕЗ, паведамляе tvnet.lv.

Міністры абмяркуюць такія праблемы, як гібрыдныя пагрозы і стратэгічная камунікацыя, міжнародныя аперацыі і баявыя групы ЕЗ, а таксама змены сусветнай сітуацыі з бяспекай.

У нарадзе возьмуць удзел міністры 28 дзяржаў ЕЗ, вярхоўная прадстаўніца ЕЗ замежных спраў і палітыкі бяспекі Федэрыка Магерыні, генеральны сакратар NATO Енс Столтэнбэрг ды іншыя высокапастаўленыя асобы.