ЗША падрыхтуе 1200 сірыйскіх байцоў для барацьбы з джыхадзістамі

ЗША адабралі 1200 прадстаўнікоў умеранай сірыйскай апазіцыі, якіх падрыхтуюць і ўзброяць для барацьбы супраць ісламістаў.

Пра гэта ў сераду, 19 лютага, заявіў афіцыйны прадстаўнік Пентагона адмірал Джон Кірбі, паведамляе Deutsche Welle.

З ягоных слоў, якія цытуе агенцтва dpa, канчатковай мэтай праграмы з'яўляецца ўзбраенне будучых байцоў, каб «яны змаглі вярнуцца дадому і там абараняць сваіх суграмадзян».

Пры гэтым Кірбі не стаў удакладняць, ці змогуць апазіцыянеры разлічваць на паветраную падтрымку сіл антыджыхадзісцкай кааліцыі, якую ён узначальвае ЗША. Ён толькі дадаў, што амерыканцы будуць адчуваць «нейкую адказнасць» за падрыхтаваных імі людзей.

Усе адабраныя пройдуць яшчэ адну праверку перад тым, як з імі пачнуць працаваць амерыканскія інструктары. Дзе будуць навучаць апазіцыянераў, пакуль невядома. Афіцыйны прадстаўнік Пентагона асабліва падкрэсліў, што падрыхтаваныя байцы будуць ваяваць з джыхадзістамі, а не супраць рэжыму прэзідэнта Башара Асада.