На выходных паветра прагрэецца да + 7°C

Сёння ўмовы надвор'я Беларусі будуць вызначаць атмасферныя франты і цёплая вільготная паветраная маса.

Да канца дня захаваецца пахмурнае надвор'е. На большай частцы тэрыторыі пройдуць невялікія ападкі (мокры снег, дождж), туман, галалёд. На дарогах галалёдзіца. Вецер заходні ўмераны. Максімальная тэмпература паветра складзе 0..+ 5°C, піша pogoda.by.

Цягам найбліжэйшых дзён, 20 лютага, надвор'е будзе вызначаць цёплая і вільготная паветраная маса, уначы захаваецца ўплыў атмасфернага фронту. Чакаецца воблачна з прасвятленнямі. Уначы ў многіх раёнах, удзень месцамі невялікія ападкі (мокры снег, дождж). У асобных раёнах туман, галалёд, на дарогах галалёдзіца. Вецер заходні ўмераны. Тэмпература паветра мінімальная ўначы -3..+ 2°C, максімальная ўдзень 0..+ 6°C. Атмасферны ціск будзе слаба падаць.

21-22 лютага надвор'е будуць фармаваць цёплыя і вільготныя паветраныя масы паўднёвых шырот. Месцамі пройдуць кароткачасовыя ападкі (мокры снег, дождж). У асобных раёнах туман, слабы галалёд, на дарогах галалёдзіца. Тэмпература паветра ўначы -4..+ 2°C, удзень 0..+ 7°C.