Кошты расейскіх тавараў таксама дазволілі падвышаць

З 20 лютага цэннікі могуць перапісваць і тыя, хто прывозіць прадукты з суседняй краіны.

Мараторый на падвышэнне коштаў урад увёў яшчэ ў сярэдзіне студзеня. Аднак паступова гэтыя абмежаванні скасоўваюцца, піша «Комсомольская правда в Беларуси».

Спачатку Мінгандлю і Мінэканомікі дазволілі падымаць кошты тавараў, прывезеныя ў Беларусь з-за мяжы, і беларускай прадукцыі, у якой ёсць імпартныя дэталі і сыравіна. Даражэць яны, нагадаем, могуць толькі на той адсотак, на які вырас кошт валюты. Выключэннем былі тавары з краін ЕАЭС, Расеі, Казахстана і Арменіі, - кошты іх павінны былі заставацца нязменнымі.

І вось з 20 лютага падымаць кошт дазволілі не толькі заходніх тавараў, але і ўсяго, што прывезена з Расеі, Арменіі і Казахстана - на той жа адсотак, на які падаражэў расейскі рубель.

Тавараў з Арменіі і Казахстана ў Беларусі няшмат. Іх падаражанне пакупнікі наўрад ці заўважаць. А вось з Расеі ў краіну прывозяць многае з таго, што мы прывыклі бачыць на паліцах супермаркетаў: бытавую тэхніку, мыючыя сродкі, шампуні, сродкі, якія чысцяць, крупы, шакалад, печыва і іншае.

Фота: Коммерсант