Мітынг ля сцен Мінабароны Украіны: дэманстранты паляць шыны

Мітынгоўцы патрабуюць сустрэчы з кіраўнікамі Мінабароны, МУС і Генштаба.

Дэманстранты, якія называюць сябе «байцамі батальёна «Айдар», зноў мітынгуюць пад будынкам Міністэрства абароны Украіны. Яны перакрылі вуліцу Грушэўскага каля будынку парламента, паведамляе УНН.

Удзельнікі акцыі патрабуюць, каб да іх выйшлі міністр абароны Сцяпан Палтарак і міністр унутраных спраў Арсэн Авакаў, а таксама - начальнік Генеральнага штаба Віктар Мужэнка. Пратэстоўцы патрабуюць ад іх тлумачэнняў па нібыта расфармаванні батальёна.

Як зазначыў адзін з мітынгоўцаў, прадстаўнікі ўрада прапанавалі ініцыятыўнай групе акцыі пратэсту прайсці ў будынак урада для перамоваў, але тыя патрабуюць выхаду чыноўнікаў да іх.

Байцы склалі каля брамы Кабміна некалькі шын і палілі іх невядомай вадкасцю. Пазней яны іх падпалілі. Непадалёк прыкметная пажарная машына. Акрамя таго, на месцы падзей прысутнічаюць з плакатамі некалькі жанчын, якія патрабуюць вяртання на ратацыю з зоны АТА 25-га батальёна «Кіеўская Русь».

30 студзеня байцы батальёна Айдар ужо праводзілі пікетаванне Мінабароны ў знак пратэсту супраць расфармавання. Пікет перарос у сутыкненні.

У абаронным ведамстве Украіны адмаўляюць расфармаванне батальёна «Айдар» і адзначаюць, што на мітынгу не было дзеючых байцоў падраздзялення.