У Венесуэле ўладальнікі сеткі крам арыштаваныя за доўгія чэргі
10- 2.02.2015, 17:42
- 16,166
Прэзідэнт Венесуэлы Нікалас Мадура заявіў, што ўладальнікі адной з сетак універсамаў у краіне былі арыштаваныя за тое, што «штучным чынам стваралі чаргі».
Назва сеткі не раскрываецца, паведамляе BBC.
Са слоў Мадуры, уладальнікі наўмысна скарацілі лік касіраў з тым, каб узніклі чэргі, для таго, каб «напаскудзіць венесуэльскаму народу».
«Учора мы выявілі, што вядомая сетка крам пляла змову, дапякаючы народу», - сказаў Нікалас Мадура.
«Мы туды прыйшлі, арганізавалі продаж, выклікалі гаспадароў, арыштавалі іх, і цяпер яны ў зняволенні - за тое, што правакавалі народ», - дадаў прэзідэнт.
Тыдзень таму тысячы венесуэльцаў узялі ўдзел у маршы пратэсту, арганізаваным апазіцыяй у Каракасе. Людзі, якія сабраліся, білі ў пустыя рондалі, каб падкрэсліць тым самым недахоп у крамах тавараў першай неабходнасці.
Дэманстранты таксама выказалі сваю незадаволенасць высокім узроўнем інфляцыі і злачыннасці, доўгімі чэргамі.