У Навагрудку адзначылі гадавіну расстрэлаў на Майдане
7- 20.02.2015, 16:04
- 9,297
Партрэты герояў Нябеснай сотні з'явіліся на будынках Навагрудка.
Пра гэта сайту charter97.org паведаміў адзін з жыхароў горада, які таксама даслаў у рэдакцыю фота, зробленыя на вуліцах райцэнтра Гарадзенскай вобласці.
У горадзе былі расклееныя ўлёткі з выявай беларускага і ўкраінскага сцягоў, партрэтаў герояў Нябеснай сотні і лозунгам «Героі не паміраюць».
«У Навагрудку прайшла акцыя, прысвечаная трагічным падзеям на Майдане ў лютым 2014 года. Апошнія фота знятыя каля гістарычных помнікаў Навагрудка», - піша чытач.
Нагадаем, сёння Украіна адзначае Дзень герояў Нябеснай сотні. Акцыі памяці ахвяраў Майдана запланаваныя ў многіх гарадах краіны.
У студзені-лютым 2014 падчас сутыкненняў пратэстуючых з сілавікамі ў цэнтры Кіева загінулі больш за сто чалавек, у тым ліку беларус Міхаіл Жызнеўскі, сотні былі параненыя, большасць з якіх - 20 лютага. Большасць людзей загінулі ад куль снайпераў. Пасля загінулых удзельнікаў акцый пратэсту сталі называць Нябеснай сотняй.