МТС падвышае кошты на роўмінг
6- 20.02.2015, 21:21
- 13,770
СТАА "МТС" падвышае кошт роўмінгавых паслуг з 1 сакавіка.
Пра гэта БелТА паведамілі ў прэс-службе мабільнага аператара.
"Гэтыя захады з'яўляюцца вымушанымі для кампаніі: тарыфы на міжнародны роўмінг будуць скарэктаваныя на суму змены кошту валютнага складніка паслуг. МТС вядзе разлікі з замежнымі партнёрамі ў замежнай валюце, таму сума карэктавання максімальна адпавядае адсотку змены курсу беларускага рубля да валюты ў параўнанні з мінулым годам", - растлумачылі ў кампаніі.
У прэс-службе адзначылі, што аператар падышоў да змены тарыфаў з намерам захаваць максімальную прывабнасць паслуг роўмінгу для кліентаў. Да прыкладу, пасля 1 сакавiка застануцца ў дзеянні дамоўленасці аб зніжанай велічыні тарыфаў паміж МТС і аператарамі Латвіі - Bite Latvija, LMT і Tele2, прынятыя ў 2013 годзе.