Гаррамаўтадар выявіў у Менску «крытычную ямнасць»

Шматразовыя перапады тэмпературы ў Менску прывялі да з'яўлення вялікай колькасці ямаў на дарогах горада.

З пачатку года дарожнікі ліквідавалі дэфекты на праезнай частцы плошчай больш за 10 тысяч кв. м, што на 30% больш, чым за аналагічны перыяд мінулага года, паведамляе агенцтва «Менск-Навіны» са спасылкай на гендырэктара ДВА «Гаррамаўтадар Менгарвыканкама» Дзяніса Глінскага.

У сярэднім за суткі ў Менску ліквідуюць каля 400 кв. м выбоін. Глінскі адзначыў, што больш за ўсё ад капрызаў надвор'я пакутуюць дэфармацыйныя швы на мастах і пуцеправодах. Каб сітуацыя заставалася пад кантролем, у аб'яднанні вядзецца штодзённы маніторынг стану праезнай часткі, мабілізаваная максімальную колькасць людзей і тэхнікі, створаныя дадатковыя рамонтныя брыгады.

Праца ў ліквідацыі выбоін вядзецца кругласутачна без выхадных. Для аператыўнай ліквідацыі дэфектаў асфальтавага пакрыцця кругласутачна дзяжураць дзве машыны. Яны ўкамплектаваныя халоднымі сумесямі ў пакетах, якія прымяняюцца пры рамонце праезнай часткі ў якасці часовай меры.

«Для ліквідацыі крытычнай ямнасці на МКАД УП «Гардарматэрыялы», якое абслугоўвае гэтую магістраль, стварыла дзве мабільныя брыгады, забяспечаныя дзевяццю адзінкамі тэхнікі. У кожнай брыгадзе па восем работнікаў», - сказаў Глінскі.