На Беларусь апусціўся моцны туман

Бачнасць на дарогах - мінімальная.

Пра гэта сайту charter97.org паведамілі ў Гідраметцэнтры.

«На большай частцы тэрыторыі рэспублікі чакаюцца туманы пры бачнасці 100-500 метраў, якія захаваюцца да 10-11 гадзінаў 25 лютага (серада)», - гаворыцца ў паведамленні сіноптыкаў.

25 лютага надвор'е будзе вызначаць маларухомы атмасферны фронт і цёплая вільготная паветраная маса. Чакаецца воблачнасць з праясненнямі. На большай частцы тэрыторыі ападкі (у асноўным дождж). Месцамі туман. Ноччу і раніцай на асобных участках дарог галалёдзіца. Вецер паўднёва-ўсходні ўмераны. Тэмпература паветра мінімальная ноччу -1 + 5 °C, максімальная днём +3.. + 9 °C. Атмасферны ціск будзе расці.